【饮食擂台AB】 重口味 波子汽水 咖喱斗泡菜

作者: 来源:天文要闻 时间:2020-06-13 23:49:26 浏览(491)

波子汽水 有原味或果味好正常啦,係咪先?但若然我话你知, 波子汽水 进化到有咖哩味和泡菜味,你又敢唔敢试?近日就在便利店发现这两款 重口味 波子汽水,今次就等我地做烈士,比拼下佢哋边个好饮啲、边个伏啲!

A代表: 大阪咖哩味波子汽水

【饮食擂台AB】  重口味 波子汽水 咖喱斗泡菜

一打开无乜咖喱味涌出嚟,要大力用鼻去闻先有少少咖喱香料味,倒出来浅黄色,比忌廉汽水深色一点。

 

记者点睇?

「净係饮到甜味,味道和忌廉、雪碧汽水近似,有微微辛辣感觉,易入口,饮多几啖都OK。」

 

烈士一号:「甜甜地,似姜啤的味道。」

烈士二号:「有点像沟淡了的可乐味,接近Coke Zero,闻到类似印度、茴香的香料味。」

烈士四号:「这个咖喱很轻剂量,无乜料到。」

【饮食擂台AB】  重口味 波子汽水 咖喱斗泡菜
呢位同事话似雪碧,甜甜地几好饮。

味道:★★★☆☆

中伏指数:★☆☆☆☆

价钱:★★★★☆ (单售:$10/支)

B代表:泡菜味波子汽水

【饮食擂台AB】  重口味 波子汽水 咖喱斗泡菜

红卜卜的汽水、好似化学色素;撕开招纸已经有点唔对路,一开盖轰来一股浓烈蒜头味,十步之内都闻到,可想而知有几 重口味 。

 

记者点睇?

(饮到面容扭曲、再倒抽一口凉气)

「好似食咗成粒蒜头咁,但係又甜甜地,很奇怪。After-taste的反攻先大镬,可唔可以俾粒香口胶我?」

烈士一号:「哗,好似烧元宝蜡烛香那种烟味,又酸,好得人惊呀。」(差啲以为这位同事饮完有幻觉)

烈士二号:「饮到泡菜味呀,唔错!几得意,都唔辣,饮完都唔觉有唔舒服。」

烈士四号:「这些泡菜係咪腌得太耐、过咗期呀?」

【饮食擂台AB】  重口味 波子汽水 咖喱斗泡菜
这位烈士斋闻都已经唔想饮喇
【饮食擂台AB】  重口味 波子汽水 咖喱斗泡菜
饮到样都变埋!
【饮食擂台AB】  重口味 波子汽水 咖喱斗泡菜
但係佢又饮得好开心,仲嫌唔够辣添。

 

味道:★☆☆☆☆

中伏指数:★★★★☆

价钱:★★★★☆ (单售:$10/支)

好彩烈士们饮完无出事,可以进入投票时间,结果咖喱味以4票胜出,大家都话可以接受,饮得过。仲有一票去咗边?就係其中一位同事选择了泡菜味,佢仲话刺激啲,识饮一定係饮泡菜味。大家都好欣赏他的胆色,不过论重口味和中伏程度,确实泡菜味比较危险。勇者们,你又会拣边样?

销售点:全线OK便利店


上一篇:
下一篇:

相关文章